ہمارے معاشرے میں خرابی کے جو بنیادی اسباب پائے جاتے ہیں، ان میں سے ایک یہ ہے کہ یہاں دو الگ اور بالکل متضاد تعلیمی نظام رائج ہیں۔ ایک طرف ہماری مذہبی تعلیم کا نظام ہے جس میں سراسر قدیم علوم پڑھائے جاتے ہیں اور دوسری طرف جدید تعلیمی نظام ہے جو پورے کا پورا مغرب سے درآمد شدہ علوم اور خیالات پر قائم ہوا ہے ۔ اس خرابی کو دور کرنے کے لیے ایک ابتدائی تجربہ جامع العلوم ملتان میں کیا جا رہا ہے یہاں یہ کوشش کی گئی ہے کہ قدیم مذہبی تعلیم کے نصابوں کو ملا کر ایک ایسا نصاب تیار کیا جائے ،جس سے فارغ ہو کر نکلنے والے طلبہ دینی و دنیاوی علوم کے جامع ہوں۔ اس لیے میں ان تمام حضرات سے جو اس اہم تعلیمی ۔تجربے کی ضرورت اور اس کے فائدے کو محسوس کرتے ہیں اپیل کرتا ہوں کہ وہ دل کھول کر اس مدرسے کی اعانت کریں ۔